China yatarajia safari milioni 175 za reli katika likizo ya Siku ya Taifa

Abiria wakiwa kwenye mstari wa kuingia kwenye Stesheni ya Reli ya Shanghai, Mashariki mwa China, Septemba 29, 2024. (Xinhua/Wang Xiang)

BEIJING - Mtandao wa reli wa China unatarajiwa kusafirisha abiria milioni 175 katika siku 10 ya likizo ya Siku ya Taifa ya China, Kampuni ya Reli ya China imesema siku ya Jumapili, ambapo inakadiria kuwa wasafiri wengi zaidi watasafiri siku ya Jumanne, na kufikia watu milioni 21.

Kipindi cha pilika za safari za reli kuanzia Jumapili hadi Oktoba 8 kinatarajiwa kushuhudia mchanganyiko wa watalii, safari za familia na safari za wanafunzi, kampuni hiyo imesema.

Ili kukabiliana na ongezeko la mahitaji ya abiria, hatua zitachukuliwa ili kuongeza uwezo wa usafirishaji, kuimarisha huduma, na kuhakikisha safari zenye usalama, utaratibu na za kufurahisha, imesema.?